skip to Main Content

Ən çox soruşulan suallar

Pasiyentləri ən çox maraqlandıran və narahat edən məqamlar
Psixoloq, psixiatr, psixoterapevt arasındakı fərq nədir?
  • Psixiatr kimdir?

6 il tibb universiteti və ya tibb fakültəsində təhsil aldıqdan sonra Azərbaycanda 2 il, inkişaf etmiş ölkələrdə 4 və ya 6 il Psixiatriya üzrə əlavə təhsil alaraq psixiatr ixtisasına yiyələnilir. Psixi və sosial faktorları nəzərə alaraq, müalicə planını fərdin ehtiyacına görə təyin edir, həmçinin dərmanla müalicəni həyata keçirir.

  • Psixoloq kimdir?

4 il Psixologiya fakültəsində təhsil aldıqdan sonra psixoloq ixtisası alınır.

  • Klinik psixoloq kimdir?

Psixologiya ixtisasından məzun olanlar 2 illik Klinik Psixologiya üzrə magistr təhsilindən sonra və ya müvafiq şəkildə yenidənhazırlanma şərti ilə başqa ixtisasa malik olanlar həm Klinik Psixologiya magistr (2 il), həm də doktorantura (4 il) təhsillərini başa vuraraq klinik psixoloq ixtisasına yiyələnirlər. Klinik psixoloq psixi xəstəlikləri olan insanlarla psixoloji məşğələlər və ixtisaslaşdığı sahədə psixiatr təyinatı ilə neyropsixoloji qiymətləndirməni həyata keçirir.

  • Psixoterapevt kimdir?

Psixoterapiya (söhbət ilə müalicə) üzrə ixtisas təhsili almış psixiatr, psixoloq və ya müvafiq
şəkildə yenidənhazırlanma şərti ilə başqa ixtisasa malik olan biri psixoterapevt ola bilər.  Psixoterapevt ixtisaslaşdığı sahə üzrə fərdi və ya qrup şəklində psixoterapiya (söhbət ilə müalicə) ilə məşğul olur.

Antidepressant dərmanlar asılılıq əmələ gətirirmi?

Xeyr, antidepressant dərmanlar asılılıq əmələ gətirməz. Bu mövzu ilə bağlı saytımızın bir yazısında geniş yer ayırmışıq. Həmin paylaşımı bu keçidə daxil olaraq oxuya bilərsiniz: Antidepressant dərmanlar asılılıq əmələ gətirməz

"Psixiatr dəliləri, nevropatoloqlar isə nevrozları müalicə edir." - Bu fikir doğrudurmu?

Psixiatr bütün növ psixiatrik xəstəlikləri müalicə edir. Bu xəstəliklərin siyahısı səhifənin giriş hissəsində verilmişdir. Eyni zamanda bu xəstəliklərə nevroz adı altında olan bütün xəstəliklər aiddir. Xatırladım ki, nevroz psixi problemdir.

Əlavə suallarınız varmı?

Aşağıdakı formdan suallarınızı Dr. Fuad Bəşirova ünvanlaya bilərsiniz. Suallar cavablandıqdan sonra saytda paylaşılmaqdadır. Suallara verilən cavablarla bağlı email ünvanınıza bildiriş göndəriləcəkdir.
Bu yazıya ərh yazılıb
  1. Birdəki bədənimin boyun hissələrini göz qaş, qol ayaq və barmaqlarımı hərəkət etdirirəm. Etməsəm sakit durammıram. Gərdin olanda saçımnan çıxardıram ama bir bir. Damarlarıml hərəkət etdirmək istiyirəm 🙁 Nədən ola bilər bunlar?

    1. Qeyd etdiyiniz hərəkət etdirmələr iradi hərəkətlərdir, yəni istədiyiniz vaxt narahat etsə belə bir müddət saxlaya bilirsiz, tik pozuntusu adlanır, bir çox psixiatrik xəstəliklərlə birgə rast gəlinir.

  2. Salam Fuad bəy. Mən gecələr dəhşət yuxum gəlmədiyi zamanlar yatarkən beynim dayanmır. Ancaq fikirləşir, içimdə öz özümə danışıram. “Sus artıq yatmaq istiyirəm” desəmdə alınmır. Beynimi elə bil başqası idarə edir. Mən yaxşı düşünməyə çalışdıqca, ancaq müvəqqəti alınır. Elə hiss gəlirki nəfəs ala bilmirəm sıxılıram. Yan tərəflərimə yatanda ürəyim sıxılır sinəmdəki orqanların hərəkət etdiyni elə bil hiss edirəm. Ancaq düz yatanda normal olur. Bəzən də nəfəs çatışmamazlığı olur hava ala bilmirəm sanki. Gecələr dəhşətli yuxular görürəm. Bəzəndə durduq yerdə gecə qorxma. 20 yaşım olmasına baxmayaraq gecə təkliydən qorxuram. Evin tək uşağıyam və evdə çox ünsiyyət olmur. Əsəbilik də var, bəzi səslərdən əsəb oluram. Yatmazdan əvvəl gecə tək beynim pis xatirələri yadına salır və ağlamağa başlıyıram. Qutaranda sakitləşirəm.

    1. Salam, sadaladığınız problemlər təşvişli depressiya pozuntusundan qaynaqlana bilər. İnsan depressiyada ikən əvvəl ki hallarına nəzərən daha keyifsiz, enerjisi daha az, yorğun eyni zamanda daha həssas, küsəyən, və keçmişdə olanları daha çox xatırlama və beynində istəmədən qurduğu fikirlər daha çox neqativ fikirlər olur. Psixiatra müraciət edə bilərsiz.

    1. Salam, bəzi psixiatrik xəstəliklər zamanı insan özündə bir xəstəlik hiss etmədiyi eyni zamanda mövcut problemlərinin ağlında olan bir səbəbə bağladığı üçün həkimə, xüsusi ilə psixiatra və ya psixoloqa gəlməkdən imtina edirlər. Belə olan hallarda problemi olan insanın sözünə qulaq asdığı böyüklərindən birinin ~ həkimə gedək əgər problemin varsa həll edək yox əgər yoxdursa bir də narahatetməyək~ kimi ifadələrlə gətirmək mümkün olur. və ya ailə üzvlərinin yanında müayinə gətirməyi də yoxlamaq olar. Əgər xəstənin özünə zərər vermə ehtimalı varsa və edilən bütün yardımlardan boyun qaçırdırsa, o zaman məcburi şəkildə dispanser şəraitində müalicəsini təşkil etmək lazımdır.

  3. Salam Doktor, son 2 aydir ki, men de panik atakdan eziyet cekirem, nevroloquj qebulunda oldum 2_3 cur derman yazdi, bir az sakitkesdim yene eyni veziyete dusdum, ne etsem de meni heyata baglayan hec neden zovq ala bilmirem, qorxu yuxusuzluq, birden baslayan urek doyuntuleri, ter basma bu kimi hallar meni coox narahat edir. Yeni menim xesteliyim gelecekde diger pis xestelilklere yol aca bilermi?

    1. Salam, Panik Atak xəstəliyi tam olaraq sağalan xəstəlikdir. səbəbləri həm genetik həm də stress faktoru ilə əlaqəlidir. Panik Atak vaxti urəkdə xəstəlik yoxdursa zərər verməz. ancaq uzun müddətdə Ürəyə necə təsir etdiyini bilmirik. Panik Atak psixiatrik bir xəstəlikdir psixiatra müraciət etməyinizi məsləhət görürəm

    1. Salam, sadəcə yuxu pozulması ilə müraciet edən insanlara ilk yuxu gigiyenasına (yuxu rejiminə) əməl etmələrini istəyirik, bu qaydalara əməl etməklə düzəlmirsə o zaman dərman müalicəsi ilə tam olaraq düzəlir. Yuxu gigiyenası haqqındakı məqaləni bu səhifədən oxuya bilərsiz

  4. doktor salam.men uzun illerdir ki panik atak xestesiyem.mualice aldim kecdi.arada gelir onu da idare ede bilirem.sakitlesdirici dermanlarla.ama dunen basqa bir hal.yasadim ilk defe idi.bilmirem.panik atakin elametidir ya yox.doktor, mene heyecan geldi.yeziqimi olcdum.gordum.dusub xeyli.( hemise qalxirdi.ilk defe idi dusmusdu) ne etdimse cox qaldora bilmedim.sonra sakitlrsdim heyecanim.kecdiuzandim.birden mene ele geldi ki bedenimin kutlesi yoxdur ele bil.yani qus kimi hafif dedikleri seyden.bilmirem.nece basa salim.yani el.vururam.bedenimi hiss edirem amma ele bil agirliq yoxdur bedenimde.telefonda qurdalaniram ele bilirem.barmaqlarim oz barmagim deyil.ve sehere kimi yata bilmedim ( hazirda da sol qolum keydi bir az.bunlar psixolojidir doktor?

    1. Salam Nezrin xanım. Yazdığınız şikayətlər psixiatrik xəstəlikdən xəbər verir. Diaqnoz muayinə ilə qoyulduğuna görə, sadəcə burada yazılan şikayətlərə əsasən dəqiq diaqnoz qoymaq mümkün olmaz. Təzyiqin aşağı düşmə səbəbini isə ilk öncə kardioloq (ürək həkimi) ilə danışmağınız lazımdır. Əgər ürəkdə bir problem görülməzsə bu o deməkdir ki psixosomatik problemdən qaynaqlanır.

  5. Salam.1)Menim başımın sol tərəfində ən çox gicgahımın ətrafında ağrılar ,keyimələr,sıxılmalar olur . Ele bilirem başımın o hissədə nəsə var.2)Birdeki beynime gic-gic fikirlər gəlir. şeytanın ağlına gələ bilməyən fikirlər ağlıma gəlir.

    1. Salam, Hər iki sualınızın cavabı eynidir. Psixiatrik xəstəliklər zamanı insan çox vaxt öz düşüncələrinə nəzarət edə bilmir, istəsə belə yaxşı şeylər haqqında düşünə bilmir və ya yadına düşəndə bir neçə müddətlik mənfi düşüncəri fikrindən qova bilir ancaq sonra yenə eyni düşüncələr qayıdır. Bunu qrip xəstəliyinin simptomu kimi izah edəcək olarsaq, qrip xəstəliyi keçirən birinin burnundan selik axır, sadəcə burunu yuduqdan sonra bir müddət rahatlama olur amma sonra yenidən selik axmağa və narahat etməyə davam edir. Eyni problemi ağıla gələn mənfi düşüncələr haqqında da deyə bilərik, müəyyən metodlarla mənfi düşüncələrdən müvəqqəti qurtulmaq mümkündür amma daimi yaxşılaşmaq üçün uyğun müalicə lazımdır. Baş ağrısı, keyimə, sıxılmalar insan gərgin olanda yaranır.

 

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back To Top